娛樂圈喜事一單接一單 香香下月舉行婚禮

HkClub01     2016-12-01     3     檢舉

近日娛樂圈喜事真係一單接一單,啱啱先傳出周柏豪與圈外女友拉埋天窗及宅男女神孫慧雪下月嫁富二代。最新就有雜誌話香香岑麗香下月結婚,同埋林宥嘉噚晚喺Facebook向女友丁文琪求婚成功啦!

32歲嘅香香自出道以來,以甜美可愛、清純乖乖女形象深入民心,當然不乏裙下之臣,不過入行6年從未承認過任何戀情,直至上年年尾被雜誌影到佢同一名6呎高嘅「翻版王大陸」十指緊扣行商場兼喺車內親熱,一問之下香香即刻大方承應,仲話金融才俊男友「強強」係經朋友介紹而認識。

現今用RM1到底能買到什麼?

Sponsored Maxis

娛樂圈喜事一單接一單 香香下月舉行婚禮

有傳媒報道指香香上年年尾已經接受強強嘅求婚,仲已經同無綫申請放大假,喺前日(28號)已經搭飛機去咗溫哥華籌備婚禮。據講婚禮會喺下個月初舉行,到時唔會大搞,只會進行簡單簽紙行禮,邀請關係最密切嘅親友出席。仲話香香同強強婚後會度蜜月,而下月尾香香就會返香港為《溏心風暴3》進行拍攝。

嚟緊嘅仲有王君馨與拍拖11年嘅圈外男友Daniel已經入紙排期結婚,「處女黨」一個接一個咁出嫁,唔知幾時輪到苟芸慧呢?

另外,29歲林宥嘉與31歲丁文琪自2014年4月認愛以來,拍拖已經2年多,二人感情非常穩定。喺噚晚林宥嘉喺Facebook寫下感人嘅求婚告白,向女友丁文琪高調求婚。

娛樂圈喜事一單接一單 香香下月舉行婚禮

大約一個鐘後,林宥嘉再喺Facebook留言話「她說好:)」並上載二人相擁相片,宣布求婚成功。

娛樂圈喜事一單接一單 香香下月舉行婚禮娛樂圈喜事一單接一單 香香下月舉行婚禮

真係恭喜曬佢哋呀!