【由頭笠到落腳】親眼睇住女朋友偷食原來係咁嘅感覺…

BigBoysClubAisa     2016-11-14     3     檢舉

孔子曾經講過:「現代說永遠已經很傻,隨著那一宵去,火花已消逝,不可能付出一生那麼多」估唔到呢種愛情觀唔止後生仔有,連喵星人都一樣有!

圖片來源:虎撲體育

話說喵星人小橙同佢女朋友小虎都不知幾恩愛,成日喺facebook post埋曬啲咩「禾巧艾梨~啜卜>333<」都唔夠,仲要周街放閃光彈,搞到附近嘅街坊都要戴黑超先敢出街呀!

圖片來源:虎撲體育

圖片來源:虎撲體育

雖然佢哋一齊咗三日就轉status 做已婚仲要叫對方老公豬老婆豬係就係mk咗啲,不過見小虎咁小喵依人,佢哋兩個都應該係真心愛對方嘅,毛毛睇好你哋呀!請飲記得叫埋我!

圖片來源:虎撲體育

點知過咗幾日,小橙打畀小虎問佢喺邊,佢喘曬氣咁話做緊gym唔講住喇就嗱嗱聲收線,小橙都覺得奇怪㗎喇,明明小虎懶過加菲貓,好地地做咩運動呢?點知諗住去小虎屋企畀個surprise佢嘅時候,就見到咁嘅畫面……

圖片來源:虎撲體育

原來,我的拳頭只為你而硬,你卻不止為我而……咁大頂綠帽由頭笠到落貓尾,小橙都講唔到落去喇……

圖片來源:虎撲體育

可憐嘅小橙生無可戀,唯有賣醉街頭,一幕幕甜蜜嘅畫面係咁閃過腦海,可惜一切都已經過去喇嗚嗚嗚……拍拖嘅嘢,冇又驚自己一直都冇,有又驚自己會突然冇,作為單身狗嘅毛毛明白嘅,好快會帽事嘅帽事嘅。